КОЦУР – У Коцуре нєшка, 24. юлия, почина Акция „Дай и ти свою руку”, тирва по нєдзелю, 26. юлий, а орґанизує ю Коцурске здруженє младих „КУМ” (Куцурско удружење младих).
На Акцию приявени коло 200 млади з цалей Сербиї, котри буду змесцени по обисцох учашнїкох з Коцура и других Коцурцох, а после їх змесцованя, перша тимска робота нєшка будзе на 17 годзин у порти грекокатолїцкей церкви.
Шветочне отверанє Акциї нєшка будзе на 19 г. у Доме култури, а потим и розвага, з наступом штирох ґрупох на лєтнєй бини.
На ютре, 25. юлия, будзе роботна часц Акциї, преподаваня, креативни и спортски активносци, як и турнир у фодбалє и ноцне купанє на базену у Вербаше.
Акция на нєдзелю будзе предлужена зоз Службу Божу у грекокатолїцкей церкви, друженьом и розвагу на „Войовим салашу”, же би пополадню була закончена.
