БЕОҐРАД – У Сербиї того року випродуковани коло 2,5 милиони тони, цо вецей од просеку, а жито добре зродзело и у сушедних жемох. За розлику од жита, други житарки подруцели и з квалитетом и з урожайом, указую податки Привредней комори Сербиї.
На концу тогорочней жатви на розполаганю коло 2,9 милиони тони, а Сербия би могла вивесц од 1,2 до 1,3 милони тони, гварел за Танюґ директор Фонду за жито Вукосав Сакович. Урожай кукурици того року 5,7 милиони тони, цо менєй як влонї.
– У одношеню на вецейрочни просек, урожай кукурици за коло 10 одсто менши, насампредз пре сушу. Кукурици хибели лєм два дижджи – гварел Сакович и додал же єй дакус будзе и за вивоз.
Суша уплївовала и на цукрову цвиклу, чий урожай „подруцел” за коло 40 одсто, а сої було 20 одсто менєй як узвичаєне.
Гоч о єшеньскей шатви ище нєт урядово податки, оценєте же жито пошате на коло 600 000 гектарох, цо вецей як прешлого року.