Торжествено означене храмове швето – Кирбай

автор влдї
1.1k Опатрене

ШИД – Вчера, на швето Преображеня Господнього, Грекокатолїцка церква и вирни у Шидзе означели храмове швето – Кирбай, зоз шветочну Службу Божу хтору предводзел о. Йоаким Симунович зоз Миклошевцох, а сослужели ище седемцме паноцове.

У казанї о. Владимир Еделински Миколка, парох з Беркасова, наглашел же Преображенє Господнє єдно з дванац найзначнєйших шветох у литурґийним календаре.

На богослуженю були вирни и зоз других наших парохийох, а пришли и дзепоєдни маляре з Русиї, учашнїки Подобовей колониї у орґанизациї Здруженя сербско–русийского товаришства.

3-Kirbaj Sid 02

Кирбайска шветочносц була нагода же би ше уручело припознаня–грамоти заслужним вирним, а парох и декан сримски о. Михайло Режак припознанє придал Йованки Ганчовски за єй длугорочне шпиванє у церкви и помоц у парохиялней заєднїци, а припознанє достал и длугорочни предсидатель Церковного одбору Владимир Ґовля, хтори пре здравствени причини нє бул на богослуженю.

На концу Служби Божей бул традицийни обряд пошвецаня овоци, насампредз грозна, брескиньох и грушкох, а богослуженє закончене з Многолїтствийом.

3-Kirbaj Sid 03

ПОВЯЗАНИ ТЕКСТИ