Торжествено на Крачун

автор влдї
682 Опатрене

ОПШТИНА ШИД – У наших церквох у општини Шид торжествено преславени Крачун з молитвами и колядами з нагоди Христового родзеня.

У Шидзе на Вилїю млади ходзели по шпиваню, у Руским доме Здруженє женох „Маря“ орґанизовало приєм за дзеци зоз словацкого и горватского културно-уметнїцкого дружтва и подзелєли им дарунки, а у церкви Саночне служел парох о. Михайло Режак. Колядованє предлужене у Руским доме.

И Першого дня швета торжествено було у церкви зоз молитву, шпиваньом колядох, а  пречитана и крачунска винчованка владики кир Георгия Джуджара.

И вирни у Бачинцох шветочно преславели Крачун з богослуженями хтори служел парох о. Дарко Ра, на Вилїю було и Саночне, а потим ше дружело и колядовало у Пасторалним центре. На Перши дзень швета було и мированє.

У Бикичу тиж дзеци на Вилїю ходзели по шпиваню, Саночне служел парох о. Владимир Еделински Миколка, а после Саночного було друженє у Доме култури оквиценей сали.

Швето Рождества Христового на подобни способ преславене и у нашей церкви у Беркасове дзе богослуженя служел парох о. Владимир Еделински Миколка.

ПОВЯЗАНИ ТЕКСТИ