ПАРИЗ – Медзинародна орґанизация за надпатранє ротациї Жеми сообщела у Паризу же 2015. рок будзе тирвац секунду длужей, преноши Бета.
Утвердзене же 30. юний того року будзе тирвац секунду длужей и же того дня час после 23 г.59 мин. перше будзе означени зоз 23,60, а аж потим 24,00 годзин, сообщели зоз спомнутей орґанизациї, з додатком же 30. юний будзе мац нє 86 400, алє 86 401 секунду.
Медзинародна орґанизация за надпатранє ротациї планети Жеми наводзи же тота „преступна” секунда ма циль лєпше усоглашиц граждански (штреднї) час хтори хаснуєме и универзални час, хтори ше рахує на основи ротациї Жеми. Таки усоглашованя части и од 70-тих рокох прешлого вику було коло 20 преступни секунди, хтори звичайно 30. юния, лєбо 31. децембра.
– Преступна секунда була и 30. юния 2012. року и теди виволала числени гришки и технїчни проблеми на компютерох, понеже рахункари хасную Мрежни протокол за час, хтори синхронизує граждански час з компютерску годзинку, так же ше компютери „єдноставно збунєли” – гвари ше у сообщеню, алє нє наведзене чи така забунка будзе и 30. юния того року.