Традицийни концерт отримани и у Дюрдьове

автор сас
961 Опатрене

ДЮРДЬОВ – Традицийни Крачунски концерт отримани вчера, 8. януара, на Други дзень Крачуна, у сали Културно-уметнїцкого дружтва „Тарас Шевченко”. И того року сценоґрафия на бини була намесцена так як дакеди випатрало руске обисце на Вилїю.  

Пред концертом, прейґ скайпу бул на живо уключени до програми Григорий Сушанич, Руснак зоз Кракова у Польскей, котри зазначує коляди на руским язику. Вон шицким присутним винчовал Крачун, а потим и колядовал, алє и провадзел цали концерт. 

Сала була полна з публику котра зоз вельку повагу провадзела наступи дзецох членох Дружтва, дзецинскей предшколскей установи и основней школи котри колядовали и грали познати, алє и велї призабути коляди. Шицки у програми достали по пакецик од спонзорох и Управного одбору Културно-уметнїцкого дружтва „Тарас Шевченко”.

ПОВЯЗАНИ ТЕКСТИ