БЕОҐРАД – Поверенїца за защиту ровноправносци Бранкица Янкович оценєла же под час прегваркох о европских интеґрацийох потребне змоцнїц нєзависни институциї, же би ше на одвитуюци способ сполнєло вимоги з обласци защити людских правох.
Вона обчекує же у прегваркох о поглавйох 23 и 24, хтори ше занїмаю зоз судством и основнима правами, будзе роснуц улога служби Поверенїка. Понеже предвидзує звекшанє приявох о случайох дискриминациї, Янковичова наявела звекшанє капацитетох.
– Менши проблем будзе ускладзованє сербского законодавства з европским, а векши проблам будзе применьованє законох – гварела Поверенїца Бранкица Янкович и додала же велї ствари буду завишиц од економскей ситуациї, понеже за дзепоєдни активносци будзе требац уложиц вецей средства.
Поверенїца похвалєла добре сотруднїцтво з министерствами и локалнима самоуправами, понеже 95 одсто препорукох Поверенїка прилапени.