СЕРБИЯ – Єдна з формох фамелийного насилства у Сербиї то финансийне насилство, хторе присутне, алє го нє мож лєгко препознац, гварела поверенїца за защиту ровноправносци Невена Петрушич.
Резултати виглєдованя, у хторим випитани 140 особи старши од 60 роки, указали же трецина приписала маєток на нашлїднїкох, без ґаранциї за дотримованє, цо охабя можлївосц же тоти особи останю без средствох за живот. Петрушичова додала же 20 одсто старших особох котри подписали контракт о дотримованю, нє зна же го ма право претаргнуц.
Поверенїца препоручела вименки нормативтих рамикох и уводзенє закона хтори би ше одношел на старши особи, реґуловал їх злоставянє и занєдзбованє, та уводзенє катеґориї „економского насилства” до фамелийного насилства.