ДЮРДЬОВ – Вчера, на Треци дзень Велькей ноци, у нашей церкви у Дюрдьове Архиєрейску Службу Божу на 9 годзин предводзел апостолски еґзарх, владика Георгий Джуджар, а сослужовал о. Йоаким Холошняй. На Служби було и мированє.
– Кед славиме швето воскресеня Исусового, висловюєме надїю до нашого воскресеня, бо сам спаситель гуторел же кажди хто вери до ньго – будзе жиц зоз животом вичним. Прето наш живот достава добре значенє, смисел у живоце и воскресеню Христовим, бо воскресенє то побида живота над шмерцу, побида шветла над цмоту, радосци над смутком. Най тоти швета буду нашо благословенє и благослов воскреснутого Христа, най будзе з нами пре нас и навше – гварел кир Георгий у своєй казанї у Дюрдьове.
Служба Божа и Воскресна вечурня вчера служени на 18 г., а у Дюрдьове затримани обичай облїваня дзивкох и леґиньох през Вельку ноц.
