ДЮРДЬОВ – Лиґа социялдемократох Войводини (ЛСВ) вчера у Дюрдьове отримала предвиберанкову трибину на хторей бешедовали Покраїнски секретар за польопривреду, водоприверду и лєсарство Бранислав Боґарошки, помоцнїк покраїнского секретара за образованє Александар Йованович, посланїца у Скупштини АП Войводини Нада Лазич, подпредсидатель Вивершного одбору ЛСВ Душко Радакович и предсидатель Општинского одбору ЛСВ Жабель Йован Панич.
На трибини у просторийох Задружного дому бешедоване о проблемох у польопривреди, алє и о образованю, нєзанятосци, зменшаних пензийох, буджету АП Войводини и других актуелних темох.
Боґарошки и други бешеднїки визначели же ЛСВ єдина странка хтора ше заклада за интерес Войводини и поволали присутних же би потримали Лиґу на наиходзацих виберанкох.