НОВИ САД – Городска виберанкова комисия (ГВК) Нови Сад преглашела 13 лїстини за локални виберанки до Скупштини Городу Нови Сад, хтора у полним зволаню ма 78 одборнїкох. Остатнї, 12. и 13. по шоре преглашени лїстини „Сербско-русийски рух-Слободан Димитриєвич”, хтора ма 26 кандидатох и „Досц було-Саша Радулович”, на хторей 30 кандидати за одборнїкох.
Пред тим, ГВК як першу преглашела лїстину „Александар Вучич-Сербия победзує”, другу лїстину „Лига социялдемократох Войводини-Ненад Чанак”, трецу „Ивица Дачич-Социялистична партия Сербиї (СПС), Єдинаствена Сербия (ЄС) Драґан Маркович Палма”; як штварта преглашена лїстина „Др Воїслав Шешель”, пията „Союз войводянских Мадярох-Иштван Пастор”, а шеста преглашена лїстина „Демократска странка-Др Велько Крстоношич”
За локални виберанки у Новим Садзе седма преглашена лїстина „Двери-Демократска странка Сербиї-Санда Рашкович Ивич-Бошко Обрадович”, осма „Народни рух Динара-Дрина-Дунай-Томислав Бокан”, а дзевята лїстина „Желєна странка”.
Дзешата по шоре у Новим Садзе преглашена лїстина „Борис Тадич, Чедомир Йованович-Союз за лєпши Нови Сад, Социялдемократска странка, Либерално демократска партия, Желєна еколоґийна партия-Желєни”, а єденаста „Лївица Сербиї-Борко Стефанович”.