Тройо прешли далєй

автор цен
1.3k Опатрене

НОВИ САД – Вчера, 10. марца, у штреднєй Технїчней школи „Милева Марич – Айнштайн” отримана 15. Городска смотра рецитаторох, а у каждим возросту було учашнїкох хтори рецитовали на руским язику.

У младшим возросту рецитовал Михайло Ковач зоз трецей класи Основней школи „Светозар Маркович – Тоза”, хторого пририхтала професорка Драґана Младенов, у штреднїм Дина Мудрох, хтора була приявена прейґ Руского културного центра (РКЦ), а пририхтала ю менторка Наташа Макаї – Мудрох. У старшим возросту, приявени тиж прейґ РКЦ, наступали Александар Планкош и Мирослав Малацко. Хлапцох пририхтала Ивана Дудаш зоз Руского Керестура.

На дальши уровень змаганя пласовали ше Михайло Ковач, Александар Планкош и Мирослав Малацко.

У жирию, медзи другима, бул и фахови сотруднїк зоз Академиї уметносцох у Новим Садзе, Милан Новакович.

ПОВЯЗАНИ ТЕКСТИ