БЕОҐРАД – Вкупна вредносц трошительней кошарки, у хторей 57 продукти, формованей за потреби виглєдованя хторе запровадзела Асоцияция трошительох Сербиї (АПОС), туньша у марцу того, як прешлого року за 102 динари, алє є драгша у одношеню на новембер 2014. року за 385 динари, сообщел АПОС, а преноши Танюґ.
АПОС заключел же тарґовински ланци пребераю метод пременки ценох – зменшаю цену за швиже месо, алє звекшаю цену за преробки з меса.
По старим правилу, цени замарзнутих продуктох зазначую константни рост у одношеню на марец прешлого року.
Кед у питаню розлики у вредносци трошительней кошарки истих продуктох и истих маркетох, предлужує ше правило же Беоґрад вигоднєйши як Ниш и Нови Сад.