КУЛА – После интервенциї Покраїнского омбудсмана, хтори локалней самоуправи у Кули обрацел увагу на процивсловносци у одлукох о финансийней потримовки фамелийом чийо дзеци ходза до штреднєй школи на подручу кулскей општини, драгово трошки буду виплацовани и за дзеци котри ше школую у местох звонка општини Кула.
Омбудсман реаґовал после доставаню анонимней прияви о нєправилносцох же Општина драгово трошки реґресує лєм штердньошколцом котри ше школую у штреднїх школох на териториї кулскей општини.
Оддзелєнє за дружтвени дїялносци Општини Кула Омбудсманови потолковало же ше з таку одлуку жадало мотивовац школярох же би ше уписовали до школох у кулскей општини и зопарло гашенє оддзелєньох пре мале число школярох.
Ґу тому, виправена и одлука, так же попри школяром котри путую до штреднїх школох у местох кулскей општини, трошки путованя буду реґресовани и штредньошколцом котри ше школую у школох у других општинох.