Туристични потенциял Керестура и у националней специфичносци

автор маф
1.3k Опатрене

РУСКИ КЕРЕСТУР – У просторийох Месней заєднїци вчера отримана барз успишна цалодньова роботня з тему ”Розвой туризму у Руским Керестуре”, як часц активносцох у рамикох проєкту ”Валал з погляднїци – зоз слику до туризму”.

Роботню отримали реномовани фаховци Милош и Ивана Чурувия з Консултанскей фирми ”Футуризем д.о.о.” з Нового Саду, у сотруднїцтве з Месну заєднїцу Руски Керестур.

Як наглашел Чурувия, искусни туристични роботнїк, а єден час и универзитетски професор, Керестур ма значни туристични потенциял, лєм муши одредзиц свой туристични циль, одн. виробиц туристични продукти. Єден з нїх то сиґурно и национална окремносц, з руску традицию, културу, манифестациями, алє и продукция паприґи.

2-Turizem-02

На роботнї участвовали представителє Туристичного здруженя ”Руски Керстур” и других здруженьох гражданох, продукователє поживових продуктох и други заинтересовани, школяре Туристичного напряму Школи ”Петро Кузмяк” з о.д. директорку Хелену Пашо Павлович и професорку Веселинку Бачич, як и директор Туристичней орґанизациї Општини Кула Владимир Станкович.

Едукация начално облапела шицки туристични аспекти хтори помогню Керестурцом же би спатрели свойо туристични потенцияли, виробели свойо туристични продукти и шицко тото знали презентовац и вихасновац, после одредзеного часу з того и заробиц.

ПОВЯЗАНИ ТЕКСТИ