БЕОҐРАД – По новим Законє о общим управним поступку хтори 29. фебруара прилапела Скупштина Сербиї, гражданє вецей нє буду обовязни сами виберац документи зоз службених евиденцийох, як цо то увереня и рижни виводи, алє то буду робиц державни орґани по службеней длужносци. Применьованє дзепоєдних одредбох Закона почнє о 90 днї од його прилапйованя, а подполне применьованє од юлия идуцого року.
Тиж так, буду зменшани и такси за виберанє документох, та так трошки за пременку презвиска после винчаня место терашнїх 10 665, буду 7 170 динари, трошки за упис дзецка до предшколскей усзанови место терашнїх 2 509 буду 854, а приява дзецка до матрикули и приява места биваня место 3 402 будзе 584 динари.
Як обчекую у Влади Сербиї, хтора була предкладатель Закона, то оможлїви же би держава и формално постала сервис гражданом и привреди.