ШИД – Ансамбл „Кечера” з Якубянох зоз Словацкей Републики внєдзелю, 17. юлия, у Руским доме у Шидзе отримал концерт на хторим з шпиванку, танцом и музику указал обичаї и традицию Руснацох у їх краю.
На концу концерту одшпивали „Червена ружа трояка”, а потим и „На многая лїта”.
Представителє домашнїх з КПД „Дюра Киш” и госцох, окрем привиту и подзекованя, єдни другима придали и дарунки як памятку на тото удатне стретнуце хторе, як гварене, було перше, алє нє будзе и остатнє.
През дзень, госци нащивели Бикич дзе обишли валал и полудньовали, а пред концертом поопатрали и Шид.
