НОВИ САД – Министерство вонкашнїх дїлох України того року потрима три кнїжки у виданю НВУ „Руске слово”.
За тото видавательна дїялносц тей установи достанє 2 600 америцки долари, сообщели представнїки Амбасади України у Републики Сербиї.
Слово о виданьох кнїжка поезиї „Одняти од псох” керестурского автора з Канади Славка Романа Ронду, други том „Руснаци” Дюри Латяка, як и Илустровани буквар за дзеци.
НВУ „Руске слово” концом 2018. року конкуровало за средства до Влади України, наглашуюци же Установа преходзи през вельки финансийни почежкосци окреме у видавательстве.
Перши средства на рахунок НВУ „Руске слово” наявени за марец, док друга часц будзе уплацена по децембер.