Умар длугорочни коцурски дзияк Владимир Арваї

автор тах
924 Опатрене

КОЦУР – После длугшей хороти, вчера вечар у вербаским шпиталю умар длугорочни коцурски дзияк Владимир Арваї. Арваї дзияцку службу у нашей грекокатолїцкей церкви Успения пресвятей Богородици служел од 1973. року и бул окреме почитовани медзи Коцурцами.

Владимир Арваї народзени 15. новембра 1943. року у Коцуре. За дзияка ше почал учиц при дзиякох Янкови Иванови, Вартоломейови Бесерминьови и Янкови Маярошови, а дзияцки испит покладал под час служеня о. Мирона Гирйоватого. Диплому за дзияка му 25. фебруара 1976. року у Руским Керестуре видал тедишнї войводянски викар о. Михайло Макай.

Обход коло труни будзе нє у обисцу покойного, алє у церковней сали, а Владимир Арваї будзе поховани на ютре, 14. януара, на 13 годзин на Вельким руским теметове у Коцуре.

ПОВЯЗАНИ ТЕКСТИ