ДЮРДЬОВ – Треци по шоре Усни новини, котри наша Установа орґанизує як стретнуце зоз читачами, будзе отримане нєшка, 4. децембра, у просторийох КУД „Тарас Шевченко” у Дюрдьове на 19 годзин.
Свойо плани и потерашнї активносци публики представя редакторе на чолє зоз директором НВУ „Руске слово” др Борисом Варґом.
Усни новини НВУ „Руске слово” концом октобра отримани у Коцуре, прешлого викенду у Руским Керестуре, а у плану же би ше по 2021. рок зоз Уснима новинами обишло векшину местох дзе жию Руснаци.