КУЛА – Млади каратисти рускокерестурского Русину вчера, 30. октобра, участвовали на Мемориялним турнире „Марко Перишич” у Кули, на хторим ше змагали каратисти з коло 15 клубох.
У катеґориї когуцикох екипа Русину у катох освоєла перше место, а поєдинєчно у катох Иван Медєши освоєл перше, Мирко Малацко друге, а Иґор Фейди треце место. Спомнути творели и екипу хтора освоєла перше место.
У катеґориї пионирох Ґлориян Штранґар у катох освоєл перше, а Теодор Няради друге место, док у борбох обидвоме у тей катеґориї освоєли перши места.
У катеґориї кадеткиньох Сара Планчак освоєла перше, а Анамария Няради друге место.
На соботу, 5. новембра, Карате-клуб Русин участвує на Войводянским першенстве, хторе будзе у Темерину.