БАЧ – На Зонскей смотри рецитаторох у Бачу 21. и 22. марца участвовали аж 19-еро рецитаторе з кулскей општини, а на Покраїнску ше пласовали штернацецеро, односно шеснацецеро, понеже два рецитаторки з кулскей општини пласман на Зонску виборели на Општинскей смотри у Вербаше.
У младшим возросту на Покраїнску смотру ше пласовали Исидора Нинков и Лїляна Кнежевич з Кули и Минеа Югас и Микола Еделински з Руского Керестура, а на Смотри участвовали и Лука Ноґавица и Йована Щепанович, обидвойо з Кули.
У штреднїм возросту на Покраїнску смотру ше пласовали Тара Божович и Милена Никитович з Кули, Владица Кляїч з Червинки, та Тимеа Будински и Желько Виславски з Керестура. У тим возросту участвовали и Анита Бала з Кули и Матей Шепински з Керестура.
У старшим возросту на Покраїнску смотру ше пласовали Неманя Ковиянич, Сузана Тошич, Катарина Перович и Миляна Нинич, шицки з Кули, та Мирослав Малацко з Керестура. У тим возросту ше змагал и Денеш Ґаламбош з Кули.
На Покраїнску смотру рецитаторох ше пласовали и Ана Секулич з Кули и Исидора Милосавлєвич з Червинки, школярки вербаскей Ґимназиї, та ше на Зонску смотру у Бачу пласовали з Општинскей смотри рецитаторох у Вербаше.
На Зонскей смотри у Бачу у трох возростох участвовали вєдно 128 рецитаторе.