БЕОҐРАД – Професийне здруженє новинарох Сербиї (ПРОУНС) и Синдикат новинарох Сербиї (СИНОС) здогадли же уж прешол рок як до Уставного суду придали инициятиву за оцену уставносци Закона о явним информованю и медийох.
Вони реаґовали на часци Закона хтори ше одноши на онєможлївйованє локалним самоуправом же би сновали медиї.
ПРОУНС и СИНОС 5. новембра 2014. року до Уставного суду придали и вимогу за приношенє дочасових мирох о нєприменьованю спорних членох Закона о явним информованю и медийох, док Уставни суд нє оценї уставносц того закона. Медзитим, дотераз нє розпатрана анї єдна з тих двох вимогох – сообщел СИНОС.