Утвердзена програма 12. Централней преслави Националного швета Руснацох

автор ядю
727 Опатрене

РУСКИ КЕРЕСТУР – Националне швето Руснацох у Сербиї, котре ше преславює 17. януара, наиходзацого тижня будзе означене у шицких Подручних канцеларийох Националного совиту Руснацох и других местох дзе жию Руснаци, з пригоднима шветочнима програмами. Централна преслава будзе отримана у Руским Керестуре на соботу, 19. януара.

Шветочносц почнє зоз Архиєрейску благодарну Службу Божу у Катедралней церкви св. о. Миколая  на 17 годзин.

У просториї над крипту Катедралней церкви нащивителє годни присуствовац на отвераню вистави „12 пошвецени” и „Керестурски вердути” на 18,30 годзин, а такой потим, на 19 годзин,у Велькей виронаучней сали будзе понукнути Етно-стол.

Шветочна академия у рамикох Централней преслави почнє на 20 годзин у Велькей сали Дома култури, а коктел на 22 годзин у Ресторану „Червена ружа”.

З тим будзе закончене означованє Националного швета Руснацох, хторе ше того року отримує дванасти раз за шором.

ПОВЯЗАНИ ТЕКСТИ