БРИСЕЛ – На Европским тижню городох и реґийох „Отворени днї 2015”, на Округлим столє у Европским парламенту з назву „Розумиц Войводину”, хтори отримани 13. октобра, директор Заводу за културу войводянских Руснацох мр Серґей Тамаш представел руску националну меншину у Войводини.
Тамаш бешедовал о роботи Заводу од його снованя 2008. року по нєшка, як и о найзначнєйших активносцох и найвекших реализованих проєктох. Представел и цилї, односно длугорочни плани Заводу, алє и други нашо найзначнєйши институциї, як цо то Национални совит Руснацох, НВУ „Руске слово”, Одсек за русинистику на Филозофским факултету и руски редакциї Радио-телевизиї Войводини.
Попри делеґациї АП Войводини, на чолє з предсидательом Покраїнскей влади Бояном Пайтичом, та директорох других заводох войводянских националних заєднїцох, на Округлим столє присуствовали и амбасадор Републики Сербиї у Бриселу Душко Лопандич и члени Европского парламенту.
