У вербаскей општини 74-еро Вуковци, медзи нїма єденацецеро нашо школяре

автор тах; фото: врбас.нет
1.1k Опатрене

ВЕРБАС – Як преноши интернет-портал Општини Вербас, пияток, 24. юния, у будинку Општинскей управи у Вербаше бул приєм за найлєпших школярох з основних и штреднїх школох школох у вербаскей општини. На приєму були шицки ношителє Вуковей дипломи, як и школяре ґенерациї, а привитала их помоцнїк предсидателя Општини Вербас Ксения Бенце.

У 9 основних школох з Вербасу и других местох у општини єст 60 Вуковцох, а медзи нїма и Анастасия Хромиш з Вербасу, котра и школяр ґенерациї у ОШ „20. октобер”.

З Коцура Вуковци Марко Буила (котри и школяр ґенерациї), Марияна Мали, Никола Салонтаї, Анастасия Чордаш, Филип Хромиш, Дора Абрагамски, Бояна Васич, Даяна Колошняи, Виктор Фирман и Теа Буїла, з Основней школи „Братство єдинство” з Коцура.

На приєму були и 24-еро Вуковци з двох вербаских штреднїх школох, як и школярка ґенерациї у вербаскей Основней музичней школи. Шицки школяре на дарунок достали кнїжки.

Руководитель Канцелариї за младих Општини Вербас Небойша Четкович школяром представел роботу Канцелариї и анкетовал их же яки змисти би любели видзиц у своїм месце, та яки програми би Канцелария за младих мала орґанизовац. Школярох привитала и Мира Недич, руководителька Оддзелєня за дружтвени дїялносци Општинскей управи Вербас.

2-Verbas-02

ПОВЯЗАНИ ТЕКСТИ