ВЕРБАС – На ютре, 5. марца, у Общим шпиталю у Вербаше будзе акция „Отворени дзвери“, под час хторей жени годни безплатно окончиц ґинеколоґийни препатрунки. Марец пошвецени борби процив рака, а акция „Отворени дзвери“ орґанизована насамредз пре вчасне одкриванє рака гарлочка плоднїци.
Препатрунки ше нє заказує и цалком су безплатни. Пациєнткинї треба же би вжали здравствену кнїжочку, а пред препатрунком ше муша приявиц на Приємни шалтер Общого шпиталю. Акция будзе од 13 до 16 годзин, сообщене з вербаского Шпиталю.