У Вербаше будзе нова фабрика текстилу

автор зам  
1.1k Опатрене

ВЕРБАС – Власнїк италиянскей компаниї „Manifatture Settentrionali” Дьовани Кавадини и предсидатель Општини Вербас Милан Ґлушац вовторок, 18. октобра подписали контракт о купованю, односно предаваню порти у блоку 100 у Вербаше, дзе спомнута компания збудує фабрику текстилу.

9-Verbas-02

Як поведзене, после вецей деценийох то будзе перша „ґринфилд” инвестиция у Вербаше, а инвеститор на порти, велькосци 4 605 кв.метери, вибудує погон у хторим буду заняти 70 роботнїки.

– За нас кажде нове роботне место барз важне и радуєме ше же 70 особи достаню роботу. Верим же и други привреднїки, иножемни и домашнї, буду шлїдзиц тот приклад италиянского инвеститора – гварел после подписованя контракту предсидатель Општини Ґлушац, а преноши портал локалней самоуправи.

ПОВЯЗАНИ ТЕКСТИ