ВЕРБАС – Предшколска установа „Бошко Буха” з Вербасу розписала конкурс за упис дзецох до Пририхтуюцей школскей програми (полдньового пребуваня) и за упис дзецох до цалодньового пребуваня за 2016/17. рок.
Право и обовязку упису до предшколского образованя маю дзеци народзени 2010. року и до конца фебруара 2011. року.
При упису до цалодньового пребуваня приоритет маю дзеци без родительского стараня, дзеци з почежкосцами у розвою, дзеци з фамелийох котри витворюю право на материялне обезбедзенє, дзеци з препоруку Центру за социялну роботу, як и дзеци самохраних родичох.
Конкурс тирва по 4. май, прияви з потребну документацию (мож ю видзиц на сайту општини Вербас – www.vrbas.net) треба посилац на адресу: ПУ „Бошко Буха”, Блок Сави Ковачевича 8, дзецинска заградка „Бубочка”, а резултати буду обявени 19. мая.