ВЕРБАС – На ютре, 25. януара, у просторийох КПД „Карпати” у Вербаше Руски народни театер (РНТ) „Петро Ризнич Дядя” на 19 годзин премиєрно виведзе представу „Як забиц предсидателя” Миру Ґаврана, у режиї Владимира Надя Ачима.
Представа витворена у копродукциї з вербаским КПД „Карпати”, а з финансийну потримовку Националного совиту Руснацох.
У представи ґлумя тройо ґлумци з Вербасу – Нада и Янко Лендєрово и Юлиян Медєши, та Танита Ходак з Коцура.
З тоту представу ше означує и два ювилеї Янка Лендєра – 60 роки живота и 40 роки його активносци у нашим културним и театралним живоце.