ВЕРБАС – Вербас и Готел „Бачка” од 9. по 13. януар були домашнї 22. Войводянскому шаховскому турниру младих, на хторим бавени першенства Войводини за дзивчата и хлапцох у катеґорийох до 8, 10, 12 и 14 роки, и за юниорки и юниорох, у катеґорийох до 16 и 18 роки.
На Фестивалє участвовали 99 змагателє – 28 дзивчата и юниорки, та 71 хлапец и юниор. Спрам пропозицийох, бавени дзевец кола по швайцарскей, або Берґер- системи, у зависносци од числа змагательох у ґрупох.
Орґанизатор Фестивалу бул Шаховски союз Войводини, а учашнїкох першенства привитали предсидателька Скупштини општини Вербас Маряна Мараш, предсидатель Шаховского союзу Сербиї Мирослав Копаня и ґенерални секретар Шаховского союзу Войводини Данко Бокан.