У Войводини буду седем центри за жертви сексуалного насилства

автор сен; фото ало
1.1k Опатрене

НОВИ САД – У рамикох проєкту Покраїнскей влади и Центру за потримовку женом з Кикинди од 8. по 10. септембер отримани семинар за здравствених роботнїкох з тему „Ефикасни одвит здравственей системи у защити жени жертви родного и насилства у фамелиї”, на хторим дата увага на учасц здравства у препознаваню и реґистрованю насилства над женми.

Учашнїки на семинару заключели же нєобходна векша повязаносц институцийох хтори маю реаґовац на зявенє насилства у своїм штредку, насампредз Центри за социялну роботу, полиция, суди, задравствени установи и нєвладово орґанизациї. Пре успишнєйшу защиту женох наявене снованє седем центрох за жертви сексуалного насилства у Войводини, сообщела Покраїнска влада.

Центри буду у рамикох шпитальох, а їх услуги потримовки и помоци женом и дзивком котри жертви сексуалного насилства буду нєпреривно доступни. Того року таки центер заплановане отвориц у Новим Садзе и Зренянину, а нарок у Суботици, Зомборе, Кикинди, Сримскей Митровици и Вершцу.

Проєкт финансує Поверенїцки фонд Зєдинєних нацийох за потримовку акцийом елиминованя насилства над женми.

ПОВЯЗАНИ ТЕКСТИ