НОВИ САД – По податкох новосадскей филияли Националней служби за обезпечованє роботи, число нєзанятих у децембру 2014. року було за коло 8 одсто менше у одношеню на исти период 2013. року.
Покраїнска влада позавчером, 19. фебруара, прилапела Предлог покраїнского акцийного плану за обезпечованє роботи у Войводни у 2015. року, преноши Бета.
Пре звекшанє числа занятих у Сербиї, Министерство за роботу, обезпечованє роботи, борецки и социялни питаня концом 2014. року направело План за обезпечованє роботи у 2015. року, хтори ма три главни задатки.
Перши то приношенє детального плану реформох пре творенє вигодного окруженя за тарґовище и елиминованє корупциї, потим розвиванє приватного сектору з даваньом стимулацийох малим и штреднїм фирмом, а треци задаток Министерства у тим року будзе консолидованє буджету, так же ше зманша трошки, а звекша приходи.