У децемберским чишлє „Заградки”

автор рим
742 Опатрене

НОВИ САД – Насловни бок децемберского числа часопису за дзеци „Заградка”, як и рубрика „Висти зоз школох” пошвецени програмом за школярох на манифестациї „Костельникова єшень”, отриманим у Руским Керестуре, Коцуре и Кули.

У новим чишлє и текст о найвреднєйших сотруднїкох „Заградки” з Коцура, а о Крачуну, Новим року, Дїдови Мразови и других жимских радосцох писнї и приповедки написали Василь Мудри, Серафина Макаї, Микола Дюранїн, Микола Скубан, Мелания Павлович и други. У рубрики „Облачок до швета” представени писатель Бошко Ломович и його найновша кнїжка за дзеци.

Школяре-авторе зоз своїма малюнками и литературнима роботами виполнєли аж штири боки часопису, а а у интересантносцох мали читаче дознаю же з якима лакотками ше, чекаюци Нови рок, госца жителє Австралиї, Чаду, Лапониї, Зимбабвеу и других жемох.

ПОВЯЗАНИ ТЕКСТИ