ЖАБЕЛЬ – У рамикох Дзецинского тижня, пияток, 7. октобра, предсидатель Општини Жабель Чедомир Божич привитал школярох и представительох основних и штреднїх школох з местох општини, преноши портал Општини Жабель.
Школяре у будинку Општини могли видзиц як функционує локална самоуправа, а нащивели и просториї у хторих робя заняти у Општинскей управи – од службенїкох по функционерох.
У бешеди з госцами предсидатель Божич гварел же кажде дружтво максималну увагу муши пошвециц младим и же би дзеци кажди дзень мушели буц у центре уваги. Здогаднул же Општина препознава значносц укладаня до младих и видвоює средства за обезпечованє найлєпших условийох за їх рост, розвой и усовершованє.
Божич тиж наглашел же школяре муша укладац до свойого знаня, бо то инвестиция за будучносц. Як гварел – знанє им нїхто нє може вжац, а зоз знаньом можу далєй розвивац и локалну заєднїцу.
На приєму присуствовали и предсидатель Скупштини општини Жабель Радован Чонкич и член Општинскей ради задужени за образованє Лазар Чонкич.