НОВИ САД – У нєшкайшей емисиї „Добри вечар, Войводино” буду емитовани звити з рочних концертох Руского културного центру у Новим Садзе и Културно- просвитного дружтва „Дюра Киш” у Шидзе.
Часци емисиї пошвецени и винарству и винскому туризму у Войводини, а з нагоди 40 рокох Телевизиї Войводини будзе емитована документарна емисия о рускей редакциї.
Як кажди штварток, „Добри вечар, Войводино” будзе на Другей програми РТВ Войводини на 20 г., а реприза такой на ютре (пияток) вноци на 2 и дополадня на 9 годзин.
По емисиї „Добри вечар, Войводино” на 21,30 г. будзе емитована реприза нєдзельового ТВ Маґазину.