НОВИ САД – У нєшкайшей емисиї „Добри вечар, Войводино” буду емитовани нови композициї за дзеци з тогорочного „Червеного пупча” у рамикох 55. Фестивалу рускей култури „Червена ружа”, як и часц атмосфери з ревиялного концерту авторских забавних шпиванкох Златка Русковския, тиж виведзених на тогорочней „Ружи”.
У емисиї будзе емитовани и прилог о живоце єдней Рускинї на єдним з найкрасших островох у Далмациї.
По емисиї „Добри вечар, Войводино” на 21,30 г. будзе реприза нєдзельового ТВ Маґазину, док реприза нєшкайшей емисиї такой на ютре (пияток) вноци на 2 и дополадня на 9 годзин.