ЖАБЕЛЬ – Општинска виберанкова комисия дотераз потвердзела седем виберанково лїстини за локални виберанки у жабельске општини.
Перша преглашена лїстина ґрупи гражданох „Чедомир Божич-Наша општина Жабель”, на хторей 31 кандидат за одборнїка у Скупштини општини (СО), друга преглашена лїстина Сербскей напредней странки „Александар Вучич-Сербия победзує”, на хторей 31 кандидат, треца лїстина „Лиґа сoциялдемократох Войводини-Ненад Чанак”, на хторей 27 кандидати, а як штварта преглашена лїстина „Ивица Дачич-Социялистична партия Сербиї (СПС)”, на хторей 24 кандидати.
Позавчером преглашени ище три виберанково лїстини – як пията лїстина коалициї „Васа Злоколица-СПО, СНП, СДП Сербиї”, на хторей 13 кандидат, шеста лїстина „Ґрупа гражданох-Гражданска инициятива” з 31-им кандидатом, а як седма преглашена лїстини „Др Воїслав Шешель-Сербска радикална странка”, на хторей 14 кандидати за одборнїкох у СО Жабель.