У Заводзе будзе схадзка УО Дружтва за руски язик, литературу и културу

автор я. дюранїн
464 Опатрене

НОВИ САД – У просторийох Заводу за културу войводянских Руснацох на пияток, 21. фебруара на 11 годзин, будзе отримана схадзка Управного одбору Дружтва за руски язик, литературу и културу у преширеним составе. На тот дзень ше означує и Медзинародни дзень мацеринского язика.

У першей часци схадзки будзе представене 3. и 4. число мултиязичного часописа „Нови мост” зоз 2019. року.

На дньовим шоре у другей часци будзе ше розпатрац активносци Дружтва медзи двома схадзками, Финансийни звит за 2019. рок и предкладанє програми розвою и дїялносци Дружтва од 2020–2030. рок.

Попри тих точкох, на схадзки будзе предложена програма означованя 50 рокох од снованя Дружтва, як и конкурси за финансийни средства.

У трецей часци будзе вистава дзецинских подобових роботох зоз Конкурсу Миколи М. Кочиша.

ПОВЯЗАНИ ТЕКСТИ