У Заводзе нєшка комеморативни сход пошвецени Миронови Жирошови

автор зам
1k Опатрене

НОВИ САД – У Заводзе за културу войводянских Руснацох у Новим Садзе нєшка, 9. децембра, будзе комеморативни сход пошвецени нєдавно упокоєному Миронови Жирошови, а о його  дїялносци и творчим доприношеню нашей култури и лєпшому упознаваню нашей историйней прешлосци буду бешедовац проф. др  Янко Рамач, публицисти Дюра Латяк, редактор часопису „Шветлосц” Микола М. Цап и редактор Видавательней дїялносци „Руского слова” Микола Шанта.

Комеморативни сход, з хторим источашнє будзе означена и 80-рочнїца народзеня Мирона Жироша, ше отримує на инициятиву Вивершного одбору Националного совиту (НС) Руснацох, а за тоту нагоду оформени и окремни Орґанизацийни одбор у хторим, попри спомнутих, и заменїк предсидателя НС Руснацох Йовґен Мудри и Маринко Дудаш.

Нєшкайши сход у Заводзе будзе на 12 годзин, а отворени є за шицких заинтересованих.

ПОВЯЗАНИ ТЕКСТИ