ДЮРДЬОВ – Концом прешлого тижня до ОШ „Йован Йованович Змай” у Дюрдьове з Покраїнского секретарияту за образованє, предписаня, управу и национални меншини -заєднїци сцигол допис о дошлєбодзеню же би ше у школским 2016/17. року формовало менше оддзелєнє. У нїм буду седмеро школяре, чийо ше родичи опредзелєли же би ше їх дзеци образовали на руским язику.
У оддзелєню дюрдьовскей дзецинскей заградки „Дюрдєвак” на предшколску наставу ходзели осмеро дзеци, з котрих седмеро буду ходзиц до руского оддзелєня першей класи ОШ, а єдено до сербского.
У Дюрдьове у новим школским року будзе 43 першокласнїкох, та буду формовани два оддзелєня на сербским и єдно на руским язику.