ВЕРБАС – У просторийох КПД „Карпати” пияток, 8. марца, орґанизовани традицийни концерт з нагоди означованя Медзинародного дня женох.
На концерту участвовали дзеци котри пестую руски и українски язик у основних школох у Вербаше, а публики приказали даскельо танци, рецитациї и шпиванки. По законченю концерта за шицки дзеци була орґанизована журка.
Школярох спред „Карпатох” орґанизовала Славка Тамаш, а програму з нїма пририхтали учительки Славица Мали и Оля Станков.
Дзень пред шветом дзеци мали роботню на котрей правели дарунки котри мацером подаровали после концерту.