РУСКИ КЕРЕСТУР – Явне комуналне подприємство „Руском”, вчера и нєшка посадзи коло 250 младнїки ясену у Руским Керестуре. Векшина младнїкох будзе посадзена коло озерка, потим у лєшику, коло базену, каплїчки, як и по других локацийох у валалє – на пияцу, у малим парку и у улїчки коло Парохиялного дому од Маршала Тита спрам Фрушкогорскей.
Як директор „Рускому” Иґор Фейди визначел, у планє же би ше каждого року посадзело подобне количество и других файтох древкох хтори би були вигодни за отримованє.
Младнїки ясену „Руском” обезпечел у сотруднїцтве зоз Явним подприємством „Србијашуме”.