РУСКИ КЕРЕСТУР – На виберанкох за шицки три уровнї у Руским Керестуре вчера на штирох виберацких местох гласали 1 887 вибераче, а понеже нє исте число уписаних до виберацкого списку, за Скупштину општини (СО) Кула то 47,06 одсто зоз 4 009 уписаних, на виберанкох за Скупштину АП Войводини то 46,73 зоз 4 038 уписаних и за Народну скупштину то 46,76 одсто зоз 4 035 уписаних гласачох до виберацкого списку.
За СО Кула ше змагали 12 виберанково лїстини, було 70 нєважаци лїстки, а найвецей гласи – 707 достала лїстина „Александар Вучич-Сербия победзує”, лєбо 38,91 одсто з важацих гласох. Друга по числу освоєних гласох лїстина „Лиґа социялдемократох Войводини-Ненад Чанак” зоз 400 гласами, лєбо 22,01 одсто, а треца лїстина „Сиґурно лєпше-Демократска странка, др Йован Янич”, хтора достала 215 гласи, лєбо 11,83 одсто.
По числу освоєних гласох за СО Кула на штвартим месце лїстина „Проф. др Велибор Васович-Социялистична партия Сербиї”, хтора достала 152 гласи (8,36 одсто), пията лїстина „Єдинствена Сербия-Драґан Маркович Палма” – 116 гласи (6,38 одсто), а шеста лїстина „Борис Тадич, Чедомир Йованович-Союз за лєпшу општину-ЛДП-СДС” зоз 83 гласами (4,56 одсто).
У Керестуре на виберанкох за локални уровень лїстина „Сербска народна партия-З народу за народ” достала 37 гласи; „Союз войводянских Мадярох-Иштван Пастор” 33, „Сербски рух Двери-Народни рух Динара-Дрина-Дунай” 25, „Др Воїслав Шешель” 24, „Герцен Радонїч Кека-Русийска странка” 10, а лїстина Ґрупи гражданох „Поднїматель” 9 гласи.
На виберанкох за Скупштину АП Войводини було 56 нєважаци лїстки, а найвецей гласи тиж достала СНС, односно лїстина „Александар Вучич-Сербия победзує” – 720, цо 39,32 одсто важацих гласацких лїсткох. И ту на другим месце лїстина „Ненад Чанак-Лиґа социялдемократох Войводини-Дзвигнї главу!”, хтора достала 425 гласи, лєбо 23,21 одсто, треца лїстина „За Войводину роботи знаня-ДС (Демократска странка), ДСГВ (Демократски союз Горватох у Войводини), Нова, ЗЕП-Желєни” зоз 191 гласом, лєбо 10,43 одсто. Штварта лїстина „Ивица Дачич-Социялистична партия Сербиї (СПС), Єдинствена Сербия-Сраґан Маркович Палма (ЄС), Патриотски рух Сербиї (ПРС)” зоз 148 гласами (8,98 одсто), а пията лїстина „Борис Тадич, Чедомир Йованович-Союз за лєпшу Войводину-Либерално демократска партия, Социялдемократска странка”, зоз 97 гласами (5,29 одсто).
Лїстина „Досц було-Саша Радулович” достала 74 гласи (4,04 одсто), „Двери-Демократска странка Сербиї-Санда Рашкович Ивич-Бошко Обрадович” достала 36 гласи, кельо и „Народни рух Динара-Дрина-Дунай”. Лїстина „Др Воїслав Шешель-Сербска радикална странка” достала 25, „Союз войводянских Мадярох-Иштван Пастор” 22, „Желєна странка” 18 гласи, „Сербско Русийски рух-Александар Дюрдєв” 13, „Войводянска толеранция 12, а по 4 гласи достали лїстини „Мадярски рух за автонимию-др Тамаш Корхец-ДЗВМ-Арон Чонка” и „За шлєбодну Сербию-Завитнїки-Милица Дюрдєвич”.
На виберанкох за републичну скупштину бул 61 нєважаци лїсток, а найвецей гласи достала лїстина СНС „Александар Вучич-Сербия победзує” – 800, лєбо 43,81 одсто. На другим месце у Керестуре лїстина „Борис Тадич, Чедомир Йованович-Союз за лєпшу Сербию-Либерално демократска партия, Социялдемократска странка” зоз 325 гласами, цо 17,79 одсто, треца лїстина „Ивица Дачич-Социялистична партия Сербиї (СПС), Єдинствена Сербия-Сраґан Маркович Палма (ЄС) зоз 209 гласами, лєбо 11,44 одсто, а штварта лїстина „За праведну Сербию-Демократска странка (Нова, ДСГВ, ЗЗС)”, хтора достала 194 гласи, лєбо 10,62 одсто.
На пиятим месце лїстина „Досц було-Саша Радулович” зоз 90 гласами (4,92 одсто), шеста „Двери-Демократска странка Сербиї-Санда Рашкович Ивич-Бошко Обрадович” – 48 гласи; лїстина „Союз войводянских Мадярох-Иштван Пастор” достала 36, „Др Воїслав Шешель-Сербска радикална странка” 34, „Желєна странка” 21, „Русийска странка-Слободан Николич” 12, „За шлєбодну Сербию-Завитнїки-Милица Дюрдєвич” 10, „У инат-Зложно за Сербию-Народни союз” 8, по 7 гласи достали лїстини „Ґрупа гражданох-За препород Сербиї-Проф.др Слободан Комазец” и „Борко Стефанович-Сербия за шицких нас”; „Муамер Зукорлич-Бошняцка демократска заєднїца Санджаку” 6, а по 5 гласи достали лїстини „СДА Санджаку-Др Сулейман Уґлянин” и „Сербско-русийски рух-Слободан Димитриєвич”. Лїстина „Диялоґ-Млади зоз становиском-Станко Дебелякович” достала 1 глас, док лїстини „Републиканска странка-Никола Сандулович” и „Партия за демократске дїлованє-Ардита Синани” у Керестуре нє достали анї єден глас.
