РУСКИ КЕРЕСТУР – У парохиї св. оца Миколая у Руским Керестуре, хтора ше ровна по григориянским календаре, нєшка, 15. новембра почина Крачунски пост – штрерацецдньови период пририхтованя за Рождество Христово, Крачун, хтори ше преславює од 25. по 27. децембер.
Попри духовного пририхтованя Церква вирним у Крачунским посце перши и остатнї дзень посту (на Вилїю), наклада строго посциц у єдзеню, стредами и пиятками посциц „по било”, одн. без меса, а други днї по шлєбодним виборе вирних.
У тим периодзе нє дошлєбодзени и свадзби и други явни вешеля.