РУСКИ КЕРЕСТУР – У парохиї св. оца Миколая вчера була Квитна нєдзеля, алє пре полицийну годзину Служба Божа нє служена у церкви, та парох о. Михайло Малацко лєм приватно служел у парохийним доме, а потим пошвецел и багнїтки.
Парох зоз слику пошвецених багнїткох прейґ Фейсбук боку Катедралней церкви св. Миколая послал шицким вирним свой благослов.
Понеже парохия нє достала допущенє же би могла буц служена Служба Божа у катедрали, та анї нє була преношена на ФБ.
О тим яка будзе ситуация зоз наиходзацима пасхалнима богослуженями вирни буду обвисцени того тижня.