РУСКИ КЕРЕСТУР – У керестурскей парохиї ше пририхтую за означованє святого чийо мено ноши Катедрална церква – св. оца Миколая, мирликийского владики и чудотворца.
По прикладзе св. Миколая, котри покрадзме ношел дарунки тим цо им було потребне, и у нашим народзе живи обичай дарованя, так же св. Миколай и того року дзецом пред шветом, 5. децембра, подзелї дарунки у церкви. Дзелєнє дарункох будзе на 18,30 годзин, по Всеночним, хторе на 18 годзин.
З тей нагоди виронаучни дзеци зоз шестрами служебнїцами виведу пригодну програму, а пакецики, хтори финансовали родичи з по 400 динари, достаню 200 дзеци. Дарунки достаню и стоцецеро дзеци зоз загрожених фемелийо, хтори обезпечели парохиянє, а символично и Церковно одбор.
Пред програму у церкви, св. Миколай 5. децембра пополадню нащиви и старих на їх друженю у Каритасу.