РУСКИ КЕРЕСТУР – До виберацкого списку у Руским Керестуре уписани вєдно 4 039 вибераче з правом гласа, котри на виберанкох 24. априла годни гласац на штирох виберацких местох у валалє.
Як и на скорейших, и на терашнїх виберанкох за шицки три уровнї власци (републичну, покраїнску и локалну) виберацки места у Керестуре буду од числа 34 по 37 – виберацке место 34 у Ловарским доме, 35 у Доме борцох, 36 у ЯКП „Руском” (дакедишнєй Месней заєнїци) и 37 у школским будинку Замок.
За гласанє на виберацким месце у Ловарским доме до виберацкого списку уписани 1 066 гласаче, за гласанє у Доме борцох уписани 885, у „Рускому” 1 062 и за гласанє у Замку уписани 1 026 вибераче.
Од конца прешлого тижня Керестурци до обисцох доставаю информацию о своїм виберацким месце.