РУСКИ КЕРЕСТУР – У керестурскей Здравственей амбуланти на ютре, 2. априла, од 8 до 13 годзин будзе отримани Базар здравя, на хторим жителє годни безплатно превериц свойо здравє.
На Базаре годно вимерац кревов прицисок, окончиц консултативни препатрунок при кардиолоґови, з ЕКҐ, консултативни препатрунок у педиятра, вимерац уровень цукру у креви и на ултразвуку препатриц абдомен.
Препатрунки безплатни и нє заказує ше их. Базар здравя у шицких местох кулскей општини орґанизує Дом здравя Кула.