КОЦУР – У Церковней сали нашей церкви у Коцуре вчера отримани Крачунски вашар, хтори орґанизовал парохийни Каритас, а часц приходу будзе похасновани за гуманитарни потреби.
На Вашаре свойо ручни роботи и продукти викладали коло 10 викладаче з Коцура, Вербасу, Руского Керестура и Кули. Найвецей понукани крачунски прикраски и колачи, алє и други продукти вязани за Крачун.
Вашар тирвал цали дзень, а як за Рутенпрес виявела координаторка коцурского Каритасу ш. Михаила Воротняк, попри приходу, хтори будзе похасновани и за потреби Каритасу, важне було и друженє викладачох.
